#كيكة #الشوكولاتة

كيكة الشوكولاتة

المقادير للكيكة:

1. 30 جرام شوكولاتة نصف حلوة مقطعة.
2. نصف كوب قهوة ساخنة.
3. كوب الا ربع دقيق + معلقتين كبار.
4. نصف كوب بودرة كاكاو.
5. نصف معلقة صغيرة بيكينج صودا.
6. ربع معلقة صغيرة كيك شيف.
7. ربع معلقة صغيرة ملح.
8. كوب سكر.
9. بيضة كبيرة.
10. ربع كوب زيت نباتي.
11. نصف كوب بوتر ميلك ( يمكن استبداله بكوب حليب عادى بدرجة حرارة الغرفة وحطي عليه معلقة كبيرة خل وقلبي وسيبيه لمدة 10 دقائق وبعدين استخدميه).
12. ربع معلقة صغيرة فانيليا سائلة.

المقادير لصوص الشوكولاتة:

150 جرام شوكولاتة غير محلاة او (75 جرام شوكولاتة غير محلاة + 75 جرام شوكولاتة نصف حلوة).
كوب الا ربع كريمة لبانى.
معلقة كبيرة شراب ذرة ( يمكن إستبداله بملعقة كبيرة من العسل الطبيعي).

طريقة التحضير كيكة الشوكولاتة :

سخنى الفرن على درجة حرارة 150.
حضري صينية وادهنيها زيت بسيط او زبدة وبطنيها بورق الزبدة.
قطعي الشوكولاتة نصف الحلوة وحطيها فى طبق وصبي القهوة الساخنة عليها وسيبيها لمدة دقيقة وابدأى فى الخلط لحد ما تدوب الشوكولاتة ويتماسك الخليط.

فى طبق تاني إنخلى الدقيق وبودرة الكاكاو والبكينج صودا والكيك شيف بالإضافة الى الملح والسكر.
اضربى البيض بأستخدام المضرب الكهربائى على سرعة متوسطة لحد ما لون الخليط يبقا اصفر حوالى دقيقة وبعدين ضيفي الزيت والبوترميلك والفانيليا واضربى لحد ما تمتزج المكونات.

صبى خليط الشوكولاتة والقهوة وضيفى المكونات الجافة مرة واحدة واضربى على سرعة بطيئة لحد يمتزج الخليط تماماً بأستخدام معلقة (سبتيولا) امسحى الطبق من جوا من الحواف واخلطى لتتأكدى ان جميع المكونات بقت متجانسة.

صبى الخليط فى الصينية ودخليها الفرن لمدة 45 دقيقة.
بردي الكيكة على رف سلك لمدة 10 دقائق وبعدين حطيها على قاعدة تورتة مقاس 8، براحة خالص شيلي ورق الزبدة وسيبيها تبرد خالص.
حطي الكيكة الباردة بالقاعدة فى صينية متغطية بورق الزبدة.

الشوكولاتة :

قطعى الشوكولاتة قطع صغيرة جدا وحطيها فى طبق متوسط الحجم.
فى طبق تاني ضيفي الكريمة اللبانى وشراب الذرة لحد ما توصل لدرجة الغليان وخلى عينك عليها لانها ممكن تفور.
اول لما تبدأ فى الغليان شيليها من على النار

وصبيها على الشوكولاتة اللي قطعتيها وسيبيها لمدة دقيقتين وبدأي فى التقليب ببطء من المنتصف اخلطى على شكل حلقات دائرية لحد ما يتماسك الخليط وصولا الى الحواف.

تزيين الكيك :

صبى خليط الشوكولاتة بسرعة بداية من منتصف الكيكة لحد ما توصلي الى الحواف خليها تتحرك لمدة ثوانى وبعدين هزى الصينية براحة لحد ما تبدأ الشوكولاتة تتحرك حول الكيكة،

لما تبدأ فى الجفاف حضرى معلقة مسطحة سبتيولا صغيرة وإمسحى حول الكيكة من تحت عند حواف قاعدة التورتة لحد ما تحصلى على شكل متماسك القوام

أيضا شاهد الفيديو