مشكلة العرب بشكل عام انه نربط مفهوم العذرية بقطعة غشاء من غير ما نفهم معناها الحقيقي. انت ما وضحت اذا هي ليست بنت بسبب علاقة بارادتها او بسبب حادث او حتى ممكن بسبب تحرش جنسي او اغتصاب.. اظن ان كل سبب سيكون لك ردة فعل مختلفة من ناحيتك. اسوء الأسباب هو انه كانت على علاقة مع شخص قبلك.. طبعا هالشي حرام و ما راح ابرر خطأها لكن هي اول كل شيء انسان و درست و عاشت بأوروبا اللي فيها مغريات من كل طرف و بيكفي ان الواحد يضعف شوي و الخطأ سهل.. يمكن كانت لحظة طيش و ندمت و تابت و الله هو غفور تواب رحيم.. يعني اذا الله سبحانه و تعالى بيغفر ليش حتى نحن كناس ما بنغفر..
بيكفي انها قالت لك و ما حاولت تغشك برأيي هاد لوحده بكفر لها عن خطأها تجاهك و تعتبر عذراء بنفسها و روحها..
ليش البنت لما تخطأ بلحظة ضعف او طيش بتصير مشكلة كبيرة و الشاب الله اعلم وين كان و مع مين و كام مرة نام مع بنات و ما بيقول لخطيبته بس لانه ما في شيء حتى يفضحه..
افرض انك حبيت وحدة أوروبية يا ترى راح تسألها اذا كانت عذراء او لا.. اكيد ما راح تسأل لان مفهوم العذرية بأوروبا مختفي و ما حدا بيسأل عليه.. الشاب الاوروبي الجاد اللي بده يبني علاقة جادة مع بنت لما بيتعرف على بنت ما بيهمه ماضيها العاطفي على قد ما ببهمه شخصيتها و أفكارها و صدقها..بالنهاية انت وحدك اللي بيقدر يقرر اذا كان بتقدر ترتبط بوحدة ما هي بنت و ما راح اقول عذراء للأسباب اللي ذكرتها فوق.. او رايد ترتبط بوحدة تقدر تعتمد على صدقها و صراحتها معك.. و الله يوفقك شو ما كان اختيارك..

اسهل من استرجاع العذرية مافي
موجود الف طريقة يعني كان فيها ماتخبرك بس بما انو خبرتك خلص معناها البنت ما غشتك ومنيحة

اديها لك من الآخر . واحده فتحتها قبل الزواج حتفتحها بعده. من شب على الشيء شب عليه. نقطة على السطر

انسى الحكاية.. واستمر في حياتك معها طالما متفاهمين ومنسجمين.. نعيش الحاضر والمستقبل وليس الماضي.. وفقكما الله.

حيرتني معك .. لانه شي يحير ويحطك بموقف صعب!!
المفروض تمددوا فتره التعارف اكثر. شهران لا يكفي لتحدد ام لاولادك … وبالتوفيق

طالما كانت صادقه معك..احسم المسأله واخرج من الشكوك….واستمر

مالا عذراء و لم يسبق لها زواج ؟ شي عجيب …

ابتعد عنها هذا يقلقك فيما بعد فهي كانت بعلاقه قبلك وريح نفسك

اخي اد ما سئلت بنهاي انت صاحب القرار ويلي رح تعيش معها العمر واذا مامقتنع بالموضوع وفي شك نص واحد لاتكمل لان رح تندم واراء الناس بتاخدك وبتجيبك انت كون حكيم نفسك

صديقي هدا موضوع شخصي بحت
بالبدايايةًبدك تعرف انت شو بدك
وشو ختيارك
وشو عم تفكر ويفضل تفكر بالموضوع لحالك
يعني فكر بالمستقبل وعيش الموضوع لاتفكر هلق وبهي الحظة الي انت فيها حاببها او انت مندفع لان اكيد الامشاعر اوقات بتكون غلابه اعطي الموضوع وقتو. وبس

في فرق بين المطلقة وغير عذراء
الفرق بينن المطلقة تجوزت بلحلال واشهار قدام العالم كلو وهاد الشي مو غلط
اما غير عذراء فهي مافيك تأمنلا ورح تروح على شغلك وعقلك عندا
الزواج استقرار اذا رح تتجوز لحتى تتعب خليك اعذب نصيحة
انا هاد رأيي مافي داعي تجي وحدة منفتحة على الحياة ذيادة عن اللزوم وتقلي حرية شخصية

مو معقول لسا في ناس بتفكر انو هالغشاء هو دليل العفة
بالعكس كل التقدير والاحترام الها لانو خبرتك الحقيقة

اخي اي موضوع لا تتجاهل حساسك فيه وشعورك …..واضح مانك مرتاح …برأي لاتكفي لانو بعدين رح تترك طول ماهلشعور موجود …

وهلبنت الراقية وانت الراقي وهي الشغلات رح تتغير بعد الزواج ورح يصير مشاكل وهي طبيعة الحياة وقتها اول مشكلة رح تعايرها ….

انسحب

انهي العلاقه مباشر لان من هلأ عم تفكر بالموضوع قبل الزواج بكرا بعد الزواج راح يكبر الشك بقلبك وماريح يكون في ثقه لهيك انسحب بطريقه راقيه متل ماهي صارحتك بطريقه راقيه

بما انك حكيت بهالموضوع مارح تناسبك
و هاد غلط يعني لا يجي حدا يقول ثقافه كان فيها تلاقي طريقه وتستر حالها وتخلي هالشي بينها وبين ربها مو تجي تصارحك فيه وانت الشخص الي رح يتزوجها لا هي غشيمه او وبقمة الوقاحه مع الاحترام وهالشي ببين معك

حسب وضعك أنت ، إذا حضرتك عملت علاقة قبل بلا زواج مابحقلك تعايرها ولا تعايرك وفيكم تستفهموا عن الأسباب وتشوفوا الوضع ،أما غير هك برأيي بلاها.

انت اعترفت لوحدك العرق الشرقي 😂
بعدين صدقها لوحدو بيكفي

أنا رآي إذا أنتم متفاهمين و مقتنعين بي بعض . استمر و إذا مش متفاهمين و متحميل المسؤولية لا تستمر

بتوقع انها انسانة صادقة طالما صارحتك.لكن مابكفي هالشي بالنسبة لا النا البلاد الشرقية.لازم تعرف السبب الي خلاها تفقد عزريتها.اذ كانت مجبرة.او اغتصاب لا سمح الله ..او انضحك عليها..وبعدها قرر ..بالنهاية بدك تفكر لبعد سنين شو ممكن يصير…بس بنصحك نصيحة لوجه الله..اذ تم الامر وصار نصيب..اوعاك بيوم تكسر خاطرها.لو شو ماكان الظرف.كسر الخواطر اصعب من كسر القلوب.
والله بيستر ع الي بيستر..فكر بكل رواق وهدوء اعصاب
وبالتوفيق يارب

كان ممكن تعمل الف طريقه وتخلي موضوعها سر لكن كانت واضحه وكل انسان له ظروفه إذ ماكنت على قدر استيعاب هالصراحه الأفضل تنسحب

مدام انك طالب راي الناس معناها الفكره من جوا مالك مقتنع فيها لاتتخبا ورا اصبعتك واستخير ربك والله يسرامورك

لازم نعرف اكثر عن هالبنت، او بالأحرى انت اكيد تعرف تفاصيل اكثر مننا وهي التجزم الموضوع. يعني البنت شو وضعها وعلاقتها سابقة شو وضعها هي بأرادتها ومحبتها ولا شو طبيعة العلاقة كانت؟!
لما حكتلك حكتها وهي مرتاحة وعادي انو علاقة مضت وماكان في نصيب؟! ولا كانت مو راضية عن هالعلاقة وندمانة؟!
الصراحة احيانا تكون وقاحة واحيانا تكون صدق وتكفير ذنب وندم. يعني لو سألتها: ياترا لو رجعتي للزمن لورا بتعيدي هيك علاقة، او اذا رجعلك الشخص نفسو بترجعي بالعلاقة نفسها معو؟! 🤔
انا بالنسبة الي استسفر منها وبحاول افهم ليش دخلت بهيك علاقة، يعني برضاها؟! انا نفسي حتى مو مساويها وبشوفها غلط (اذا بعدنا عن الدين).
وهالكلام ماينطبق بس على البنت وعلى شب كمان 🤷‍♂️
انا عقلي ببعض المواضيع رح يضل شرقي، لأن من منظورنا ببعض المسائل هي الصح اكيد. وماراح انخرط بثقافة الغربية، طالما عندي عقل وبفكر بمنطق وعقلانية. استغرب من بعض تعليقات بس!🤦‍♂️
الغرب مو بكل شي صح، مابي مجتمع كامل متكامل، الكل عندو نقص ونقاط سلبية! 🤷‍♂️

انا ماني حابب اجرحك واحرجك بس المعذرة ليس من الرجولة لا الشرقي ولا الغربي الحديث بهذا الموضوع
انت حابب تتزوج
اتزوجها بس اياك والشك والوسوسة
مافي رجل بشك الرجل الحقيقي بيحسم الموضوع بجميع الاحوال
اذا البنت متل ماوصفتها عنجد صادقة معنها نيالك تزوجها وتوكل على الله
ونصيحة اخ لا عاد تفتح هل موضوع حتى بينك وبين نفسك

الله يوفقك

ادرس الموضوع بينك وبينها واسأل نفسك لأي درجة الاندماج .هل يعني تنازل عن القيم والأخلاق؟سيبقى في نفسك حاجز و شك وإذا أنجبت ستموت قلقا على بنتك أي فكر ستزرع في عقلها.
هل كان طلبك مطلقة او أرملة؟ ام أردت بكرا!! هل أنت حافظت على نفسك أم لا لتقيس بنفس المقياس!
هل هي تعرف انه خطأ أم لا ؟ إذا كان لا فأنت من يختار حدود التحرر لزوجتك وأولادك.

أخي الكريم هيك بنت تشبث فيها لأنو وزنها ذهب
رح اعطيك كذا مثال ليش هالشي :
1- لنفرض انو انت مع بنت ثانية و”لساتها عذراء” وما حكتلك شي، بتضمنها انو ما كانت بعلاقة قبل ولا كانت نايمة مع حدا قبل؟
2- بهالزمن في عمليات لترجع “تخيط” المشكلة اللي صارت يعني كان فيها تخبي المشكلة وما تقلك شي بس هي اختارت تكون صريحة معك 100% وهي الميزة نادرة ومفيدة كتير لحياة زوجية هنية
3- اذا كنت انت عندك علاقات قبل، حلال عليك وحرام عليها؟ (عم افترض انو انت كمان كنت مع بنات قبل لأنو تقريبا مافي شب ما دخل بعلاقات)
4- انت سألت نفسك او سألتها ليش اختارت تصارحك بهالشي وما حاولت تخبيه؟ الصراحة ممكن تكون دليل عالندم عالماضي ، واللي بيندم عالماضي وبيتوب رب العالمين بيتوب عليه فبسألك هل انت اكرم من رب العالمين؟
إضافة للتعليق:
اذا شفت حالك ما قدرت تتجاوز هالمشكلة وما صار نصيب بيناتكم دلني عليها لأنو أنا ناوي بلش دور عن قريب عن طريق هالكروب.
والله ييسر اللي فيه الخير

رح يجي يوم وتتخانقوا خناقة ماكنة، متل كل العالم… يومها إذا إجت هالسيرة وتعيرت فيها البنت اعتبر كل شي انتهى!

أما بالنسبة للبنت… ما بعرف شو خبرك… لو كانت على علاقة/ علاقات من قبل (وهي من بيئة وثقافة عربية بترفض هالشي) فمعناها في قيم هيه متخلية عنها… هي مشكلة!

البنت نمط حياتها غربي ولا شرقي؟ بتصلي؟ بتشرب؟ هي كلها مؤشرات لازم تتاخد بعين الاعتبار!

اذا مانك قادر تستوعب البنت وتثق فيها… لا تفوت هيك فوتة، وقضية مصارحتها الك لا تعني شيء، لانك رح تكتشف هالشي بمصارحة ولا بغيره.

الحب الرومنسي غير كاف ورح يروح فلا تعول عليه.

إذا متمسكين ببعض… انا بنصح تشوفوا مختص نفسي بالعلاقات فترة منيحة وتطالعوا كل شي جواتكم قبل ما تعقدوا عقدة الزواج

لا يوجد أحد مننا لم يتزحلق في حياته والمهم أنها صارحتك وكانت تستطيع السفر لأحد دول وإجراء عملية وانت ما كنت اكتشفت الأمر.. أنه لفتاة رائعة واعترافها دليل أنها انسانة رائعة ولا تتعوض.. كل التقدير لهكذا فتاة.