بسبب اخذ فكرة مسبقة من الشخص بطلب فيس بوك الشخص ما بعرف ليش … لتعرف افكار الشخص من منشوراته . .. بدها تبين انو هي ثقيلة .. او هو ثقيل.

الشخص .. الصبية والرجل ..

انت بعالم الفتراضي وتوقع كلشي

والله هي فكره اكتير حلوه لانو لهنا خون ببلد غريب ما دى بيعرف حدى واذا الواحد ما عمل هيك ماله يلاقي طلبو بس اكيد من بعد ما يجتمعو بتعرفو على بعض وسبحان الله انك اتشوف الشخص من وش لوش غير بتتعرف عليه اكتر وشكرا للعاملين بهاد الكروب

والله حتى انا متلك مستغرب كتير بس ع الاغلب الجوب سنتر هو يلي بيلعب دور كبير حبيب وفهمك كفاية

للاسف ما غي طريقه التعارف بالغربه غير عن طريق الفيس بوك لذلك بدنا نكون مرنين ونتحمل بعض ونكبر عقلنا قد ما فينا

في رعب كتير كبير وعدم ثقه من الطرفين ولمن يصير حكي الكل يحكي بنفسيه وحذر شديد وكأن مجبور عل حكي واضح انو تعارف عبر الفيس يعني لزم يكون في تنازلات مع شويه حسن نيه حتى توصل الفكره صح

بتفق معك عموضوع انه الارتباط بزمننا ماعاد سهل بالغربة خصوصا.
لكن بختلف معك بخصوص جملتك

” وفجاة ما بتحسي حالك الا صري بحيطان الاربعين ووقتا رح تقتلي حالك تتزوجي حيالله رجال يستر عليكي!!!”

الادق انهم هنن الاثنين بكملو بعضهم. وبحاجة بعض.
مافي حدا بده حدا بستره هالزمن المراة بتشتغل باوروبا متلها متل الرجل.
تفضيل المراة الاصغر سنا ايام زمان سببه رغبة الاسرة بانجاب عدد كبير من الاطفال وبالطبع مفترض تكون امراة بسن يافع حتى تكون قادرة على انجاب اكثر من خمس اطفال لهيك كان سن العشرين هو المرغرب للزواج لانه مقدرة جسدية لانجاب عدد من اطفال محدود بسن معين .
لكن المراة الاربعينية بزمننا منتجة وناضجة وبعز شبابها وجمالها.

بكل حال، كمان الرجال بصدر احكام مسبقة عللفيس بدون محاولة ظرف البنت وانها بحاجة تحس بللامان

الحل برايي انه يصير لقاء واقعي باقرب فرصة هالشي بساعد على معرفة الاخر .

والله يوفق الجميع

يمكن سبب انعدام الثقة هو تعرض البنت او الشاب للخداع مرارا من قبل الطرف الآخر لهيك عم يكون مافي ثقة ومودة انا شخصيا صارت معي كتير لهيك ماعاد اصدق حدا وهي غير الطلبات الغير منطقية من قبل الشاب في فترة التعارف

هلأ فكرة الغروب حلوة كتعارف مبدئي بين شخصين
بس الاحسن اذا كان في إمكانية يلتقوا ببعض شي مرة.
دايما علواقع كل شي غير و الانسان بيقدر يكون صورة أوضح عن الشخص التاني و ممكن يحس بلثقة اكتر.
هلحكي اكيد للناس الي ساكنين بنفس البلد

وقت يكون التعارف عن طريق الفيس حقا البنت تكون عندها حذر بس بالمقابل ما يجي الشب يشوفا عنيدة وكبيرة رأس ويقلا هيك مابيمشي الحال القصة بدها شوية وقت

لانو الزواج هو شخصين بيكملو بعض وعن طريق فيس وغير برامج مو ممكن شخصين يعرفو بعضن او يقررو يكفو سوا اذا ما كان في تواصل عالواقع واكيد اي شخص شب او صبية رح يكون عندن خوف من الارتباط بشخص مجهول لهيك ما في داعي واحد يوجع راسو ولا يحكي او يشوف حدا من خلال هالطريقة نصيبك رح يجي لعندك مفي داعي تدور عليه واذا ما اجا هيك بيكون رب العالمين كاتبلك 😊

ماعم تخلصوا من موضوع العمر ….فورا بتلاقي عمرك ٤٠ وبدك اي واحد يستر عليكي !! شو هلأسلوب هاد تبع يلي تجوزي واستري ع حالك …كبرتي جيبيلك ولد…..ضل تكتب عنستي !!!

اول الشي السترة مو رجل ….والبنت من دون رجل مانها مفضوحة ليجي رجل يسترها !!( إن مازال هناك رجال مع احترامي )

ثاني شي عادي ممكن في صبايا مابدها ترتبط !!

ثالث شي في صبايا متل الشباب تعرفت وماعاد عندها طاقة تضيع وقتها بلتعارف لانو يلي تعرفت عليهن سيئين وخاصة ع سوشل ميديا !!! وهي بدها ع أرض الواقع يكون موجود !!!

لانو سهل كتير نضل نحكي عن بعض لقرن وبعدين ع ارض الواقع هباءا منثورا …الحكي غير الواقع !!

خاف ع الشب كمان اذا صار ٥٠ ومافي صبايا بتقبل فيه ومايلاقي ولد يحمل اسمه …ماهو الموضوع مو متل ايام سوريا و زمان !!!
يجي واحد عمرو ٥٠ يتجوز صبية عمرها ٣٠ !!
يلي عمرها ٣٠ ماعم تقبل بشب اكبر من ٣٥ !!