تحول احتفال نجمة الكوميديا بدرية طلبة بعقد قران ابنة “المرحوم شقيقها” إلى أزمة كبرى، بعدما تبين أن الشقيق لا يزال على قيد الحياة، ولم يحضر كتب كتاب ابنته الوحيدة لخلافات عائلية، وتوعد الشقيق بدرية بمفاجآت خطيرة، ردا على ادعاء وفاته، بينما حذرته بدرية من “كشف المستور”.

الأزمة بدأت عندما نشرت بدرية صورة لها برفقة ابنه شقيقها ووصفت الأخير ب “المرحوم” قبل أن تقوم بتعديل المنشور وتحذفها، وقالت: كبرتي يا قلب عمتو بنت أخويا رحمة الله عليه وكتب كتابها النهاردة ربنا يخليلك أعمامك وخلانك الرجالة المحترمين سندك وضهرك ويرحم أبوكى برحمته الواسعه أدعو لمريم ربنا يتمم لها فرحتها وأشوفها أسعد البنات في بيتها الزفاف ٩/٤عقبال عندكم.

وبعدها فوجيء الجميع بأن “المرحوم” وليد طلبة ليس ميتا كما ادعت بدرية، وأن هناك خلافات عائلية دفعته لعدم حضور عقد قران ابنته الوحيدة، ولهذا وصفته بدرية بالميت، ورد وليد عبر حسابه بموقع الفيس بوك قائلا: يا جماعة الفنانة بدرية اللى كانت المفروض أختى منزلة نعى عنى أنى اتوفيت والمفروض اللى في النص دى كانت بنتى.. وعشان رفضت أروح كتب كتابها النهاردة طلعوا عليا إشاعة الموت بجد حسبى الله ونعم الوكيل فيكم أنتو كلكم ميتين بالنسبالى من سنتين لما سبتو البيت ونزلتو الساعة 2 بالليل.

وتابع: جايين دلوقتى تحتاجولى في كتب الكتاب.. أنا يا جماعة ماليش عيال وعيال مين اللى يعلقو على إشاعة على أبوهم أنه مات والله يرحمه وأنا على وش الدنيا عيال مين اللى أروحلهم تانى أنا خلاص ماليش ولا عيال ولا أهل وأخوات.. وانتى يا فنانة بدرية ميته بالنسبالى من زمان.. وإن شاء الله اللى قولتيه عليا بالكدب هيتقال على جوزك يوم فرح بنتك بالصدق انشاء الله.

وقال: انتظروا منى أحلى مفاجآت ليكم  ياللى المفروض كلكم أخواتى ومن بطن واحدة انتظروا منى أحلى مفاجآت للكل وأنتو اللى بدأتو الحرب معايا بالله عليكم يا جماعة أنا عاوز البوست ده يتشير كتير عشان أثبت كذب الفنانة وأنا هطلع لايف كمان شويه بصوتى عشان تتأكدو أنى مش بكدب وهطلع معايا مفاجآت هتعجبكم اوى.

بدرية حاولت تدارك الموقف وحذفت كلمة المرحوم من المنشور كما حذفت طلب الدعاء لروح شقيقها بالرحمة، وبعدها نشرت صورة مع العروس من مراسم عقد القران وردت على تهديدات شقيقها وليد قائلة: الخبر اللي بينزل عن الفنان حتى لو ضده فا سبحان الله بردو بيكون لصالحه وخصوصا لما يكون سمعته طيبه ومحبوب فا مش كل اللى بيستعين بالصحافة فى تشويه فنان بينجح لان الفنان لو رد وحكى حيتصدق وخصوصا لما تكون الحكايات مشوقة وبالدليل وكلها بلاوي وفيها ست سيئة السمعة وفيها فتح أدراج وفيها مهازل خلى الطابق مستور ومتفرحوش بالحكاوى ربنا ستركم بلاش تخلو الرد يفضحكم وربنا يهدي.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر “سيدتي فن“