🟢منى زكي تدعم “ضعاف البصر”: حاولوا رؤية العالم بعيون الآخرين WWW.MANTOWF.COM منتوف 💬

🟢منى زكي تدعم “ضعاف البصر”: حاولوا رؤية العالم بعيون الآخرين WWW.MANTOWF.COM منتوف 💬

Share on facebook
Share on twitter
Share on telegram
Share on pinterest
Share on email
Share on whatsapp

🟢منى زكي تدعم “ضعاف البصر”: حاولوا رؤية العالم بعيون الآخرين WWW.MANTOWF.COM منتوف 💬


انضمت الفنانة منى زكي لدعم حملة “شوف بعيني”، للتوعية بمعاناة أصحاب الإعاقة البصرية، لتصبح النجمة الخامسة التي تدعم الحملة الخيرية في شهر التوعية بأمراض العين، بعد النجوم أحمد فهمي، علا رشدي، ريهام عبد الغفور، إنجي المقدم.

منى زكي
منى زكي خامس نجمة تنضم لحملة دعم ضعاف البصر

وشاركت زكي صورة لها يغلب عليها اللون الأسود، عبر حسابها على انستقرام، وعلقت عليها قائلة: اللي على الصورة ده مش فلتر، دي صورة طبيعية بس من عين شخص عنده مياه زرقاء أو “جلوكوما”، ودي من أشهر أنواع ضعف البصر، وبتيجي من تكون سوائل على العين بشكل بطيء ومش ملحوظ، وبتعلي ضغط العين وممكن تؤدي إلى فقدان كامل للبصر.

 

 

وتابعت منى قائلة: أحسن طريقة للوقاية هي المتابعة وقياس ضغط العين بانتظام، يقدر الشخص ضعيف البصر بسبب الجلوكوما يعيش حياة طبيعية لو اتدرب واتعلم ازاي يستخدم المتبقي من بصره، تابعوا مؤسسة بصيرة خلال شهر فبراير، علشان تتعرفوا على أنواع ضعف البصر والخدمات اللي بتقدمها فى التأهيل والتدريب، لما بنشوف الدنيا بعيون غيرنا بنقدر نتخيل حياتهم ونفهم احتياجتهم.

 

الحملة أطلقتها مؤسسة بصيرة الخيرية المتخصصة في دعم ذوي الاحتياجات الخاصة بمناسبة أن فبراير هو شهر التوعية بمرض ضعف البصر، وحسب بيان رسمي تم تدشين حملة للتعريف بأنواع الاعاقات البصرية، وطرق مساعدة المرضى والتوعية بكيف يرى ضعاف البصر الحياة بطريقة مختلفة، مع تأكيد أن مصر وحدها تضم أكثر من 26 مليون شخص يعانوا من ضعف البصر، من بينهم 21 مليون مريض من الممكن علاجهم وعودتهم لممارسة الحياة بصورة طبيعية إذا تم تشخيص مرضه مبكرا وخضع للعلاج.

 

الفنان أحمد فهمي كان أول المشاركين في الحملة، حيث نشر صورة له غير واضحة الملامح على حسابه الشخصي بموقع انستقرام، وعلق عليها قائلًا: الصورة دي مافيهاش حاجة غلط، دي صورة طبيعية بس من عين شخص عنده ضمور في الشبكية “Macular Degeneration“.

أحمد فهمي
أحمد فهمي أول فنان يدعم حملة شوف بعيني

 

أضاف: ده نوع من أنواع ضعف البصر، بيخلي الشخص يفقد النظرة المركزية والتفاصيل الدقيقة اللي في الصورة، الشخص ده محتاج يعرف إزاي يقدر يعتمد على رؤيته الجانبية ويقويها، علشان يمارس حياته بشكل طبيعي جدا، تابعوا مؤسسة بصيرة خلال شهر فبراير علشان تتعرفوا على أنواع ضعف البصر والخدمات اللي بتقدمها المؤسسة، لما بنشوف الدنيا بعيون غيرنا، بنقدر نتخيل حياتهم ونفهم احتياجتهم.

 

ونشرت الفنانة ريهام عبد الغفور صورة لها ضبابية، وعلقت عليها قائلة: الصورة دي مفيهاش حاجة غلط، دي صورة طبيعية بس من عين شخص عنده مياه بيضاء “Cataract“، وده نوع من أنواع ضعف البصر بيخلي الشخص يشوف الصورة ضبابية، أكتر مفهوم خاطئ عن النوع ده هو أن حله نضارة.

 

وأوضحت: النضارة مش هي الحل، لأن علاجه الوحيد هو عملية، ولو متمتش في فترة معينة ممكن تؤدي إلى فقد البصر، تابعوا مؤسسة بصيرة خلال شهر فبراير، علشان تتعرفوا على أنواع ضعف البصر والخدمات التي تقدمها المؤسسة، لما بنشوف الدنيا بعيون غيرنا بنقدر نتخيل حياتهم ونفهم احتياجتهم.

 

وتضامنت علا رشدي، مع الحملة، عبر حسابها الشخصي على موقع الفيس بوك، قائلة: “الصورة صح، بس أنت شايفها من عين شخص عنده ‏”Diabetic Retinopathy” اعتلال الشبكية السكري، وهو نوع من أنواع ضعف البصر، وبيجي كعرض جانبي لمرضي السكر، في بداياته الأعراض بتكون بسيطة.

 

انت شايف الصورة صح بس انت شايفها من عين شخص عنده ‏ Diabetic Retinopathy اعتلال الشبكية السكري وهو نوع من أنواع ضعف البصر…

تم النشر بواسطة ‏‎Ola Roshdy‎‏ في الثلاثاء، ٩ فبراير ٢٠٢١

وتابعت: ولكن مع استمرار السكر العالي في الدم ممكن يؤدي لفقد البصر، بالمتابعة الدورية للسكر فى الدم وبتحسين الإضاءة واستخدام المعينات البصرية نقدر نتعايش معاه.

 

 

الفنانة إنجي المقدم، نشرت صورة غير واضحة لها، عبر حسابها الشخصي على الفيس بوك، وعلقت قائلة: اللي على الصورة ده مش فلتر، دي صورة طبيعية بس من عين شخص عنده “Retinitis Pigmentosa“، إلتهاب شبكى تلونى، وده نوع من أنواع ضعف البصر”.

 

اللي على الصورة ده مش فلتر، دي صورة طبيعية بس من عين شخص عنده Retinitis Pigmentosa (التهاب شبكى تلونى)  وده نوع من أنواع…

تم النشر بواسطة ‏Injy El Mokkaddem – انجى المقدم‏ في الثلاثاء، ٩ فبراير ٢٠٢١

وواصلت قائلة: معظم الحالات لا يمكن علاجها لإنها وراثية، بس بالتأهيل والتدريب يقدر الشخص إنه يستغل المتبقي من بصره ويعيش حياة طبيعية، تابعوا مؤسسة بصيرة خلال شهر فبراير، علشان تتعرفوا على أنواع ضعف البصر والخدمات التي تقدمها المؤسسة في التأهيل والتدريب، لما بنشوف الدنيا بعيون غيرنا بنقدر نتخيل حياتهم ونفهم احتياجتهم.

 

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر “سيدتي فن”





Source link